Is é an tArd-Aighne an phríomhchomhairleoir dlí don Rialtas agus mar sin is príomhoifigeach dlí an Stáit é. Tá Oifig an Ard-Aighne déanta suas de roinnt oifigí difriúla:
- Oifig an Ard-Aighne (lonnaithe ag Sráid Mhuirfean, Baile Átha Cliath 2) ina bhfuil Abhcóidí Comhairligh don Ard-Aighne
- Oifig na nDréachtóirí Parlaiminte don Rialtas (lonnaithe ag Sráid Mhuirfean, Baile Átha Cliath 2 chomh maith) ina bhfuil na Dréachtóirí Parlaiminte a dhéanann reachtaíocht a dhréachtú agus a bhfuil freagrachtaí acu maidir le hathchóiriú an dlí
- Oifig Phríomh-Aturnae an Stáit (CSSO) (lonnaithe ag Sráid na gCaorach Bheag, Baile Átha Cliath 8) ina bhfuil na haturnaetha a sheasann don Ard-Aighne agus don Stát
I ndiaidh achtaithe an Achta um Ionchúiseamh i gCionta, 1974 tá an fhreagracht maidir le formhór dá leithéid d'ionchúisimh ag an Stiúrthóir Ionchúiseamh Poiblí atá neamhspleách ar an Ard-Aighne agus an Stát de réir an dlí.
- Mír(eanna) Nuachta le Déanaí
- 11/02/2009 - Tionscnamh Athbhreithnithe Beartais agus Luach ar Airgead
Nasc chuig Athbhreithniú ar chothabháil an leagain leictreonach de Leabhar Reachtaíochta na hÉireann (eISB) - Feabhra, 2009
(887Kb)
Nasc chuig Athbhreithniú ar Riarachán de Scéim an Ard-Aighne - Feabhra, 2009(401Kb)
- 07/01/2009 Tionscadal um Athchóiriú an Dlí Reachtúil - Comhairliúchán ar Bille 2009
Déanfaidh an Bille le teacht athbhreithniú ar Achtanna Príobháideacha uile arna achtú suas chuig agus lena n-áirítear 1750 agus Achtanna Pearsanta agus Áitiúla uile suas chuig agus lena n-áirítear 1850. Tá aighneachtaí poiblí á lorg faoi láthair i leith na hAchtanna seo, go háirithe iad siúd atá beartaithe le haghaidh aisghairme. Breis eolais anseo.