OIFIG PHRÍOMH-ATURNAE an STÁIT

Saoráil Faisnéise

Is comhlacht poiblí é Oifig an Ard-Aighne agus Oifig an Phríomh-Aturnae Stáit do chuspóirí an Achta um Shaoráil Faisnéise 1997. Ba chóir a thabhairt faoi deara áfach, faoi alt 46 den Acht níl cáipéisí cruthaithe ag nó i seilbh an Ard-Aighne seachas taifid i leith riarachán ginearálta na hOifige clúdaithe ag an Acht.

Mar thoradh ar sin tá ceart ag an bpobal rochtain a fháil ar thaifid a bhaineann le riarachán ginearálta Oifig an Phríomh-Aturnae Stáit ach sin a mhéid.

Chomh maith le seo tugann Oifig an Ard-Aighne agus Oifig an Phríomh-Aturnae Stáit comhairle dlíthiúil do Ranna Rialtais ar léirmhíniú an Achta um Shaoráil Faisnéise.

Is féidir eolas faoi theagmháil a dhéanamh leis an Oifig maidir le hiarratais Saoráil Faisnéise a fháil san fhoilseachán:

• Treoir d'fheidhmeanna agus taifid na hOifige, Acht um Shaoráil Faisnéise Alt 15 agus 16 Leabhar Tagartha Eagrán 2001 (Foilsithe 2001)
  • Formáid MS Word (130Kb).