FOIRMEACHA
Foirm Iarratais ar ainmniú Abhcóide ag an Ard-Aighne
Toisc go bhfuil tús curtha le Cuid 12 den Acht um Rialáil Seirbhísí Dlí, 2015 anois, ba cheart iarratas ar Ghlaoch chun Barra na Sinsear agus aon cheist maidir le hiarratais den chineál sin a sheoladh chuig an Údarás Rialála Seirbhísí Dlí (LSRA). Is féidir ceisteanna agus cumarsáid maidir le paitinní tosaíochta a sheoladh ar ríomhphost anois chuig LSRA ag patents@lsra.ie
Ní mór d'abhcóidí a dteastaíonn uathu bheith san áireamh lena n-ainmniú ag an Ard-Aighne le haghaidh obair Stáit an Ráiteas Polasaí seo maidir le mionteagasc a thabhairt d'Abhcóidí a léamh agus fhoirm iarratais faoi iamh a chomhlánú. Íoslódáil agus priontáil an fhoirm iarratais, agus ansin seol an fhoirm chomhlánaithe chuig an seoladh seo a leanas:
Rúnaí Príobháideach an Ard-Aighne, Oifig an Ard-Aighne, Tithe an Rialtais, Sráid Mhuirfean Uachtarach, Baile Átha Cliath D02 R583.
Mar mhalairt air sin, féadfar an fhoirm chomhlánaithe a sheoladh mar cháipéis pdf a scanadh chomh maith le haon cháipéisí ábhartha eile agus cóip de dheimhniú imréitigh cánach atá cothrom le dáta chuig agpo@ag.irlgov.ie.
